Tuni July 17 zinglei sml 8:30 hrawng ah Shan North kwathkhiang khua in Sinni khua kar a raa mi SAC Ralkap phu le TNLA kar sml cheu hrawng kahdohnak a chuak tiah theih a si.
Kwathkhiang khua chuak nak lei ah kahdohnak a chuak ii TNLA lei in a hliam mi an um.SAC Ralkap lei zong in hma a pu an um tiah TNLA phu pakhat nnih Shwe Phee Myay News ah a chim.
“Kan mah phu hi Pancam in kan ra.Kwathkhiang in an mah pawl an rak raa.Hmai ah hmun hma a la mi phu cu kan kah hna. SAC Ralkap phu thazang 30 hrawng an um.
Kan mah lei in pakhat pahnih an i hliam i SAC Ralkap lei zong an i hliam.SAC Ralkap lei A hliam mi zat cu fiang in kan theih rih lo ” tiah a chim.
SAC Ralkap pawl cu Sinni khua hrambunh Kee Ralkap Battalion (Kah-Lah – Yah – 69) an si ii zanlei sml 3:30 ​hrawng zong ah Kuangkam khua pawng ah bom in an doh than hna tiah theih a si.
Aluancia July 9 zong ah Lashio in kwattkhing lei ah a rak kai mi SAC Ralkap run motor 20 cu an doh hna ii a thi mi an um tiah a chim.
SAC Ralkap pawl an doh leng mang hna nak hmun cu MNDAA, KIA, TNLA nih an kal lengmang nak hmun hma a si.CBN Daily News