Mizoram chhim lam hmun hrang hrang tlawh a hun hmang mek School Education Minister Pu Lalchhandama Ralte chuan vawiin khan Siaha MNF office ah thusawina hun neiin, kumin 2023 MLA inthlanpui lo awm turah MNF in hneh takin sawrkar na a chang leh ngei dawn niin a sawi.
Pu Chhantea chuan, tuna Mizoram politics kaldan thlir hi chuan MLA General Election ah hneh takin MNF in sawrkarna kan la leh ngei dawn a ni tih a chiang hle a, MLA 30 aia tlem lo kan nei ngei ang, a ti.
Party dang chu an hruaitute an in duh khawp lova, an rorelna ah an Vice President leh Treasurer te hial pawh an teltir duh tawhlo, party tana thawkrim ai chuan milarte, zaithiamte, inkhel thiam leh mi hausaten a lailum an chang ta hian an party a sawpchhe hle a ni, a ti.
MNF hi kan that bik vang ni lovin party ngialnghet, kum 60 chuang nghet taka kan hotuten lungrual taka an lo hruai tawh a ni a. MNF hi Zoram mipui tan innghahna awm chhun, Zofate lawikhawmna ln pui a ni.
MNF lo chhuahsan tawhtu te leh party danga awm mekte pawh Zofate Inpui MNF ah lo haw khawm zel turin ka sawm che u a ni, a ti bawk. ๐๐ฎ๐น๐ฐ๐ต๐ต๐ฎ๐ป๐ฑ๐ฎ๐บ๐ฎ ๐ฅ๐ฎ๐น๐๐ฒ ๐ ๐ถ๐ป๐ถ๐๐๐ฒ๐ฟ