Kum Hnih Chung Kahdohnak Ah SAC Ralkap 300 Leng An Thi, Tiah Dictatorship People’s Revolution Army (DRPA) Nih Thanh.
Dictatorship People’s Revolution Army (DRPA) kan dirhnak in 2023 April thla tiang kum hnih chung ah kahdohnak voi 100 leng a chuak i, DRPA ralkap 16 nih ram le miphun ca ah an nunnak an pek, 54 tlaih an tong, tiah an langhter.
Dictatorship People’s Revolution Army (DRPA) an cathanh chung ah, kum hnih chung kahdohnak ah SAC ralkap 300 leng an thi i, 200 leng nih hliam an tuar, tiah an langhter.
DRPA Central Committer Chairman Hein Lin Htet nih, “Tangka kan chambau tuk ruang ah ralkap thilthuam zong kan i hruk-aih kho lo. Cu ruang ah dohthlennak kan tuah kum hnih tlin camtuak zong caan kan hmang kho lo,” tiah a chim.TCP