Kachin ramkulh, Waingmaw peng, Kantawyang SAC ralhrang sakhan cu Kachin Independence Army(KIA) nih nihin October 31, zing ah an luhhnawh i suimilam 2:30 tluk rau kahdohnak a chuah hnu ah an laak, tiah kahdohnak thawngla tu nih a chim.
“2023, October 31, zing suimilam 6:00 tluk in an kah i zing suimilam 8:40 tluk ah SAC ralhrang sakhan cu an laak khawh. SAC ralhrang lei thimi an tam lai tiah zumh a si i Battalion Commander 1 zong an tlaih. Mah sakhan chung ah cun SAC ralhrang Khah-lah-yiah (387) nih hmunhma an laak” tiah ralhmai thawnglatu pakhat nih Kachin News ah a chim.
KIA ralkap nih October 18 thok in Kachin le Shan ramkulh nitlaklei hmun um SAC ralhrang sakhan pawl cu laak ding in an luhhnawh i an kahdoh ca ah SAC ralhrang caah a biapi ngaimi an á¹hutnak sakhan 4 hna telh in 6 naak tlawmlo an laak khawh i SAC ralhrang thimi le hliampu mi an tam pinah hriamthil tam ngai zong an laak chih khawh, tiah KNG nih a langhter. Lungmili Post