Shanram Moe Ko peng Nan Cuan timi hmun tukdohnak ah mipi ralkap nih ralhrang hriamnam le Nan Cuan pyitusit hriamnam an laakmi an hun taar.
Shanram chaklei le Kachinram ralhrang sakhan pahnih cu, Oct 31 zing suimilam 8 tluk ah KIA nih an laak tiah an langhter. Mah sakhan an laakmi hna cu,Shanram chaklei ummi KIA Battalion 8 hmunram chungum sakhan le Kachinram Wain-Maw peng Gundoun-Yan sakhan hna an si.
Mah tukdohnak ah KIA,AA pinah phudang zong an itel hna i,kaphnih thihliam kongah biafiang a um kho rih lo.Mah an ikahdohnak leiah Jet nih heh a kah hna pinah KIA camp pi Laisa kiangkap lei zong ,hriampi in heh tiah ralhrang nih an kah tiah an langhter chap.
Mah pinah tulio MNDAA,TNLA le AA hna nih Shanram ralhrang an tuknak he pehtlai in Rakhine ram zongah tukdohnak a chuak kho tiah rallei cuanthiam hna nih an chim.
Kan nih Chin mi cu One Command tlai kho tu ding CNF/A kan nei ko hna nain One Command tang raltuk duh lo in kan buaibai cuahmah lio ah ah,
Kan Unau Kachin, AA,MNDAA le TNLA hna nihcun Ralhrang sakhan cu fawi tein an lak cuahmah cang ko e. Tuzing kha Myitkyina- Wangmaw lampi cung ralhrang sakhan a biapi takmi cu kan unau KIA nih an lak cang. Zahan ah khan AA nih Shanram Tingi khuate pakhat um SAC ralhrang sakhan zong an va lak rih.
Dawtmi ka Chin Miphun hriamtlai pawl hna mah le mah buainak hi ngol hrimhrim hlah uh mu. A rauh hlab ah ralhrang nih nan cii an mit dih hna tik ah nan lungfim te seh tiah Ka chin kan unau le 3 Brotherhood hna nih bia an cah hna!