Australia ram Tasmania ah Pathian rian ttuan in khua a sa mi Fr Martin Aye Ngwe cu a tu hlan kum khat hrawng ah cuap cancer (Lung cancer) a ngei caah siibawi (doctors) hna nih thla 6 lawng a nung kho cang lai tiah an ti.
Sihmanhselaw a dam kho ti lai lo an timi cu Pathian zangfahnak le tthawnnak thawng in nihin ah cun ttha te in a dam tthan cang. Fr Martin nih, “Mass (Missa raithawinak), Bawipa Thisa biaknak, Rosary le Sualthlahnak: hi pa 4 hna hi keimah caah, ruahchannak um ti lomi cuap cancer in ka dam zokzok nak caah, antidote (အဆိပ်ဖြေဆေး)/ ka ngandamnak sii an si,” tiah a chim.
A tang lei i hmanthlak cheukhat cu Fr Martin a dam lo lio ah Fr Lucas Kyaw Myint, Fr Peter Zin le OLCC upa lei in Pu Sui Thawng le Salai Robert Ngun Sang te hna i an va veh lio hmanthlak hna an si. Thla 6 lawng a nung cang lai tiah siibawi hna nih an timi Father pa cu tlamtling tein a dam tthan. Bawipa a ttha!