KEI KA FA BEL,A BAU LAN AI. Khupthal leh ah,aa thawh ve khah. A nu zaanriah,tep manh lo in, Tio raal a pet,Khuptthi rual he. Nun ttian a ti, a nu a ttap.
Lamchosaang le, hor kuang thuuk hna. Tto tho ruah le ,ni lin khua al. Rak thei thiam uh,ka fa pa kha, A tong bal lo khahlaan caan ah Ni thla an liam,kumkul reng lo. Fahniang zuun in,a nu a ngor “Ka fa khoi hen, Na ka kal taak” A nu ttah hla, Ro a ling tawn.
Nihin nicu,Iang na ngei dah, Pasal ttha hna ,tlun ni ciammaam, An phurh an ti,ZALON naak ro. An lawmhpiak hna,Ram pum huap in Leeng no sazuk,Dong tu ttha hna. An laam an kui,Ni naa ttap naa. Hei cuan ve laang,Fa pa hniang cu “Kapa i sum”, ka hna hram ah Ka hei ngiat i, A hawi pa cu, A ka kuh ai,”Thih ttian a ti”
Zual ko ding in, a nu dinhnaak, Thlaanmual panh laang,Na fa pa hniang. Donnaak ni ah, Aa tel ve lo. Kei ka fa bel, a bau lan ai. Ram ca ah a nunnak a pe mi kan fale hna caah, An pale aiawh in.
By; Tawk Cung Ling (PPP) 2000, India. PHOTO: Ram le miphun caah a nunnak a pemi, Chin pasalá¹ha LIAN BAWI CEU of CNA hi a khua HRIPHI a si,a pa kan u PU THLUK CIN. Feb 25, 2023 TT kahdohnak ah a si.