SAC nih hramhram uknak a laak thawk in 2023, April thla dih tiang kum hnih leng chung ah Shan ramkulh thlanglei Mobye, Pekhon, Pinlaung peng le Kaya ramkulh ah tualchung mi 452 an nunnak a liam tiah PKPF nih nihin May 1 ah a thanh.

Nunnak liammi hna chung ah 318 hi SAC ralkap kut in thah a tongmi an si i, 134 hi ralhrialnak hmun ah nunnak liammi an si tiah kahdohnak kong, thih-lohnak le hliamhma tuarmi cazin thla tin a khawmsuatu PKPF nih a langhter.

“Ralhrialnak hmun ah nunnak liammi hna chung ah SAC ralkap nih vanlei kahdohnak an tuah ruang ah hliamhma tuar in nunnak liammi zong an um, SAC ralkap nih ralhrialnak hmun ah rallam an sial caan i a zaam manh lomi hna thah a tongmi zong an um pin ah, sii-ai um lo ruang ah nunnak liammi hna zong an i tel” tiah an langhter.

Kum hnih luan chung ah SAC ralkap le KA, KNDF, PDF kar kahdohnak voi 663 a cang, cu kahdohnak chung ah cun SAC ralkap lei in 1995 an thi, tualchung hriamtlai phu lei in 259 an nunnak a liam tiah an thanhmi ah an langhter chih.

Kaphnih i kahdohnak chung ah SAC ralkap nih vanlei kahdohnak voi 363 an tuah pin ah hriamngan an hmanh chih caah biaknak lei inn 34, siizung le sikhaan telh in tualchung mipi umnak inn 1497 an rawk tiah PKPF nih a thanh.TCP

By admin

Leave a Reply

Your email address will not be published. Required fields are marked *