Sagaing ram then Kawlin Peng ah KIA ralbawi ii tel in PDF minung (10) hna cu SAC ralhrang pawl nih tlai in an thah hna tiah KIA thawng hram nih an fek ter.

April Ni (26) ah Kawlin Peng Pe Pin Chaung (ပေပင်ချောင်) khua hrawng ah hram bunh in acawl cang mi KIA le PDF chungtel minung (10) hna cu SAC ralhrang rallam Hmun Hnih hna nih kham in an tleih hna.

KIA ralbawi Yaw Sain le mipi ralkap pakhat pakhat alang ii an chuah lio ah SAC ralhrang pawl rallam he ii tawng in zoh chia ngai in an tleih hna ii an thah hna tiah theih asi. “An thah hna hi a hman ko. aAn hrem hna ii an thih rih lo caah mei in an khangh hna I an thah hna ” tuah KIA thawng hram nih a chim.

April Ni(27) Pe pin Chaung khua lei ah SAC rallam an sial ii PDF cu an tlaih hna ii an thah hna hi a si tiah theih a si. “Kah doh nak a chuak lo.Sentari an congh lio ah SAC rallam he an i tong.PDF cu an zapi tleih in an thah hna. Mah lawng lam hi kan feh ter khawh cang” tiah KIA thawng hram nih cun achim

By admin

Leave a Reply

Your email address will not be published. Required fields are marked *