Shan Ram Chaklei Titoih Puai Ah Mino Pathum Ti Ah An Pam. Shan ramkulh chaklei Kyaukme, Thibaw le Maingye karlak tidil le tiva ah mino pathum cu titoih puai caan chung ah an pam, tiah mi bawmchantu phu sin in theih a si.
Shan ramkulh chaklei Kyaukme peng titoih puai lio April 16, ah kum 15 tluk mino pakhat cu Ahtetye (အထက်ရဲ) khua tiva ah a pam. Thibaw le Maingye peng karlak tidil zong ah kum 17 tluk mino pakhat a pam ve, tiah theih a si.
April 15, lio zong ah Thibaw peng Naungkat khua tiva ah mino pakhat zong a rak pam cang. April 16, ah ti ah a pammi Sai Naw Khe (kum 17) cu ti aa liau lioah a pam. Titoih puai caan chung ah mino pathum ti ah an pam cang, tiah theih a si.
Mi bawmchantu Sailay mino, Maingye peng mino le Shan ram chaklei um mi bawmchantu hna nih tidil lakah a pammi pa a ruak cu an char i Shan nunphung ning tein a ruak cu an vui, tiah theih a si.