Kum 2009 hrawngah Yangon um, Lai Founder pakhat sinah ka va leng. Ni a lin tuk i ka thlan a chuak dih, lanka (City Bus) ka cit i. Thilpuan a ttha lem lomi ka hruk.

862 Myanmar Army General Photos and Premium High Res Pictures - Getty Images

 

Keimah le ka pumfa, rumra ka nei lem lo, ka thlan le a chuak fawn, ka hnipuan hrukmi le a ttha lem fawn lo tik ah Lai founder pa nih cun zei ah a ka rel lem lo. Lai founder pa cu rumra nei ngai le ralkap bawi bantuk cun a tthutdan a nemmi, a her khomi phun, a sang nawnmi cung ah cun tleu nawn piin le hrokual ngai in a rak tthu.

President hlun Thein Sein maw a hluan deuh hnga Than Shwe hme a hluan deuh hnga ka ti. A van ka chawnh ning cu niam ngai le zeirel lo ngai phun khin a ka chawnh.

862 Myanmar Army General Photos and Premium High Res Pictures - Getty Images

 

Tlawmpal hnu ah MIT sianginn in a dihmi ka si ka van ti cun a lau ngai i toidor ngai le upat ngai buin a ka chawnh tthan. Chim duhmi cu Bible sianginn le Khrihfa buu dirhtu le neitu le ngakttah cawmmi i a lungput le a ziaza le a umtu zohtik ah a tlak lo ngai/a kaih lo ngai.

Thleidannak a nei tuk ti a fiang. A Christian leadership style cu Kawl ralkap dictatorship leadership style bantuk a si ko. MIT in a dihmi ka si ka ti hnu cun a kuttang minung hna a van auh hna i kal ka duhnak ah an ka kalpi i thlalang awng in cun inn tthattha a sakmi pawl kong cu hehtiah a ka hmuhsak len/a ka chimh len.

862 Myanmar Army General Photos and Premium High Res Pictures - Getty Images

 

Kawlram Khrihfa buu hruaitu (pastor, evangelist, Bible sianginn i cachimtu le Khrihfa buu zung i riantuantu pawl) vialte i an lifestyle le an leadership style cu Kawl ralkap bawi leadership style he an i khat dih nawn ko.

Khrihfa leadership nun cu Bawi Jesuh nun nih tampi a kan cawnpiak lawng si loin amah pumpak hrimhrim nih a chimmi a tampi. Bible caang dang zongnih a kan cawnpiakmi a tampi fawn. Farasi le Sadusi le tlangbawi le Kawl ralkap bawi leadership style a cawngmi le a nunpi mi Kawlram Khrihfa hruaitu lak ah kan tamtuk rih.

862 Myanmar Army General Photos and Premium High Res Pictures - Getty Images

 

Mah ruangah Khrihfa buu kan hruainak ah hmual a nei tuk ti lo. Tampi kan i sersiam a hau i cauk zong tampi kan rel a hau. Ramdang Khrihfa buu hruaitu sin zong in tampi kan i cawn a hau.

Khrihfa buu lei hruaitu le vawlei lei hruaitu cu kan i dang bak a hau. A khatnak zong cu a um ve ko lai nan kan ziaza le kan lungput le toidor nun ahcun kan i dang bak a hau.

Mah lo ahcun kan hruaimi hna member pawl caah zaangfak tuk an si lai pin ah Pathian sal ttha le tuukhal ttha zong kan si kho fawn lai lo. Kan Christian leadership style tampi kan i thlen i kan i remh a hau cang. Saya Van Tum

By admin

Leave a Reply

Your email address will not be published. Required fields are marked *