Kanbalu Peng Pa Yee Kyi Khua Update

SAC nih bomb thlak ruang ah minung 100 hrawng an thi cang.
Kanhbilu Peng Pa Yee Kyi khua zung On nak puai ah Siang hngak chia le mipi pawl hna cu puai an tuah lio ah SAC ralhrang pawl nih Van Lawng in bom an thlak hnawh hna caah minung (100) reng lo ruak hmuh asi cang

Sagaing ram then Kanhbilu Peng Pa Yee Kyi khua zung on nak puai ah Siang hngak chia ii tel in mipi pawl hna an Kai Lio ah SAC ralhrang pawl nih Van Lawng hmang in bom an thlak hnawh hna caah minung (100) rengo an ruak char an si cang tiah thawng hram sin in theih asi.

April Ni (11) zinglei suimilam (8:05 )  hrawng ah Kanhbilu Peng Pa Yee Kyi khua cu Jet fighter in Voi khat le Mi 35 Helecopter hmang in Voi (4) tiang bom an thlak. Hi ban tuk in bom an thlak nak hi puia an tuah nak hmun ah asi caah mipi (100) reng lo an thi tiah theih asi.

Ruak tha tein hmuh asi mi hi (53) an si. Rel awk atha tinlo mi hi atam tak tak. Kan Hmuh mi hna hi   (100)  reng lo an si cang. Bom an thlak nak hmun hi fak tak tak in asi caah kawi kawi hmun in zei tin Ruah kan char lai ti zong kan thei kho lo ” mi bawmh chanh nak atuah tu mipi pakhat nih achim.

Hngakchia ruak hi atam tak tak. Ni pawl ruak zong hi atam. Acheu khat ruak hna cu a tan dih. Minung an si human fiang in theih asi lo” tiah tual chung mi pakhat nih achim.

Atu hi Van Lawng in bom an thlak nak hmun pawl hna ah khua mipi cheu khat pawl an phan nain an ruak an char khawh mi le a hliam mi an bawmh khawh mi hna hi tlawm te lawng an si rih. Hliam apu mi hi tam tak tak an si ii Sii Aii thlawp bul nak le bawnh chanh nak an tuah kho rih hna lo tiah theih asi.

By admin

Leave a Reply

Your email address will not be published. Required fields are marked *