Pazikyi Khua SAC Ralhrang Vanlawng Bomthlak Nak In A Thi Mi 168 An Phan. Sagaing ramthen, Kanbalu peng, Pazikyi khua ah SAC ralhrang nih mibupi umnak hmun cu raltuknak vanlawng in Bomb a thlak hnawh hna caah April 13 tiangah a thi mi ngakchia telh in minung 168 an si cang tiah kan theih.

Ahmun ah kal in a thi mi hna kong hlathlai nak kan tuah hna tik ah Pazikyi khua pawngkam khua te 9 in an si hna, a tam deuh a thi mi cu inn tek khua mi an si. A thi mi chungah kum 6 ngakchia telh in ngakchia minung 30 leng an thi cang. A tu tiang a thi mi hi minung 168 an phan cang, hi chungah siizung phak hnu ah a thi mi telh an si rih loh.

Mi cheukhat cu an titsa aa thek dih caah theih khawh lo mi zong an um hna caah an ruak a vai vuai mi zong an tam tiah hi hmun ah thianh hlimhnak tuah a kal mi pakhat nih a chim. Hliam tuar mi zong minung 70 an si i miruak kawl le thianh hlimh nak zong pehtzulh in an tuah tiah kan theih.

Relchap- Kalay In Laitlang Lei Ah A Kai Mi Ralhrang Kong Ah Theih Nuam Tuk Mi. Chin Ralkap Phu Nih Kalay In A Kai Mi SAC Ralhrang Motor An Hrawh Piak Dih Hna; Ralhrang 200 Chungah 40 Tluk Lawng An Tang.

Hakha khua pi ah riahcaw le hriamnam chan dingah Kalaymyo in March 7 ah a rak i thawh mi SAC ralhrang hna cu Chuncung khua an phan cang. SAC ralkap an motor a tang mi zong tu ni ah an hrawh piak dih cang hna tiah CNA chimphuannak nawl ngei tu Salai Htit Ni nih a chim.

April 13 ni zongah kahdoh nak fak ngai a chuak. SAC ralhrang an motor zong hrawh piak an si dih nak kong a hmun um mi sinin kan theih, An phurh mi thil ri zong kan rawk piak dih hna. Atu kan theih ningah motor Tank 2 chungah pakhat zong hrawh piak an si.

Raltuk nak vanlawng nih a vun bawmh hna nain kan ralkap lei an him tiah a chim. Hakha lei in ralhrang bawmh dingah a ra mi hna zong Chin ralkap nih Drone in Bomb an thlak hnawh hna.

Kalaymyo in an rak i thawh lio ah tazaang 200 an si tiah kan theih, a si nain a tu ah hin 40 tluk lawng an tang lai tiah kan ruah, an thi dih lai tiah kan chim kho lo nain cu chungah a thi mi le hliam tuar mi zong an um kho tiah a cunglei upa nih a chim.Lungmili Post

By admin

Leave a Reply

Your email address will not be published. Required fields are marked *