Kan raltuk ning hi cuhlan kum 2 renglo chung kan kal ning kha tlawmpal tlawmpal in kan ralbawi han nih an kan thlenpi ciahmah i,lung a hmui ngaingai,Hinaak tam chinchin in kan thlenpi rih hnaselaw a ttha chinchin ko hnga i,a tunak hin hmai zong kan nawr khawh hnga i teinak lam zong kan zul deuh chin kohnga ti ruahchannak le zawnruahnak he ka van langhter duh tthan ko hih.
Hi raltuk thlennak kong hi a liamcia mi kum zongah khan ka rak chim balcang i thlen ningding kong zong ka ttial chih i a tang hi ka rak ttial cang mi kha a si i rel a duh mi nih van rel law,nahna a tlak phun a si ahcun coment ah siseh hmundang ah siseh rak post chin cio te hna uh. A tang hi nikum July thla chungi i ka rak ttial cang mi kha a si. Tinduh Thang (8 July 2022).
Chin Ram Chungah Raltuk Ning An Thlen Ahcun Awlte In Kan Ral Kan Tei Hna Lai.Teikhawh An Sinak Ding Cu! Min Aung Hlaing nih Kan ram a buaiternak in kumkhat renglo cu ram kulh le ram then kip ah i kahdohnak a um i,miphun chung in mi sawsawh tampi ralhraang nih an thah hna pinah,Pastor tiang in an kan thah piak,kan ralkap tampi an thih pinah hliam tampi nih an tuar i,pumtlam tlinglo in a um mi an tam fawn.
Kan ralkap hna nih hin an sikhawh chungin ralhraang cu an doh hna,mipi nih heh tiah tangka thazaang in an ttang ve,a tutiang kan ralkap hna nih thihnak an tawn mi le mipi hna nih chawva an thawh mi tuak tikah hin,”ziahhme aw ti in ruahnak ngeih a fawite.Kan ralkap hna nih,Lungler le Vuangtu ralhrang buk an laak i kan ilawm taktak hna.
Hitluk in Chin pasaltha hna an cawlcangh ko bu ah duhning in tei khawh an silonak cu,vawlei lei rumro in kan cawlcangh caah,ralhraang lei nih hriam ngan i an kan kah tikah kan i khamh kho tawn lo i a thi mi le hliam a tuar mi an tamtik ah miphun ning in kan ngaih a chia i,kan pasaltha le nusaltha hna kan sianlonak hna cu mitthli he kan phuan cio.
Myanmar rampi khi cu a dang in chia usilaw,Chinland chung tu hi kan nih miphun nih cun kan i tinh bik mi ah kan chiah hna i,ral kan dohning zong hi cuhlan ning si lo in kaite/Drone hmang in ral kan doh a herh cang.Vawlei bak in ralhraang kan doh hna lai ti hi cu laakhruak thil tidah lo ahcun kan hrial phawt a herh.
Vawlei lei i kan doh ttan ahcun ralkap tam a herh pinah hriamnam ngan ngeih tungve a herh Fawn i a mu le kuan tampi a herh chih rih. Asinain,Kaite/Mupi /Drone hmang in kan doh hna ahcun,kee hmang in ralhraang 1 that hna usilaw,Mupi hmang i kan doh hna ahcun 50 kan thah khawh han lai i,kan ralkap zawng an him deuh hrimhrim lai.
Cun thla 2/3 tintan a kai mi le raltuk tik zong ah thinphan ding le dinglo tiang a thei mi,CNA deuh nih hin ral hmai hi suang kho hnaselaw a ttha fawn hnga i,CDF hi cu an hnu lei a dirkamhtu ah khin um hna selaw ti zong ka chim chih fawn.
Cucaah,kan ram le miphun caah tlang a autu hna le a thawhtu hna zong nih kan au aw kan thlen i,tthiangthunh/Meithal cawknaknak cun,Mupi le kaite le a ek cawknak dingah Tlaang kan au piak hna selaw,a thawhtu hna zong nih a tu ka chim mi ca ah hin kan thawh piak hnaseh.
Hi ti kan tuah i kan raldoh ning kan thlen ahcun,kan Chin ram khi kee in kum 3 kan doh ding mi kha Mupi le a ek hmang i kan doh hna ahcun kum khat chungah kan liim cawlh ko lai.
A tu thantlang ralhraang buk zong khi Mupi ser cia mi cun minute 30 chung in hrawh cawlh dih khawh a si.Kan raltuk ning hi kan thlen hrimhrim a herh ti mi hi kan ralbawi zong nih an theih cang lai ti zong ka zumh.Kailawm.