Nai zarh chung Laimi sinah a laarbik mi pakhat ah a cang mi cu,CBCUSA le meithal cawknak kong hi a si ttheu lai tiah ka zumh.
Hi kong ah hin ngakchia zeitheilo bantuk le minung thluaktlam a tlin thlu lo mi bantuk phun in kan hruaitu kan pa le pawl hi kan hmuh rua hna tiah ka ruah.
Kan pa le nih hin a tlam a tlin khawhnak dingah heh tiah an i zuam ve,asinain meithal cawknak le phurh tlunhnak lei kongah a tlam a tlinlo mi cu an mah mawh thlu dih hna ding an si lo.
Burma ram a buai,Min Aung hlaing nih nawlngeihnak a laak ti a thei ko mi,US Cozah le UNO ete pawl hmanh khi mawhchiat deuh ding khi an si.
Kan pa le pawl hi Khrihfabu ah rianttuantu lawngte an si hna,an mah le an umnaak inn le lo siseh an ei an dinawk caah siseh a za in a ngei cio mi an si ko hna,a tlam a tlinkhawhnak dingah khual an tlawnnak le an umkalnak tibantuk hna ahcun kan thawh mi chung cun teh an hman ve lai.
An mah pumpak um kalnak le khualtlawnnak men cu siselaw an khualtlawnnak pawl hi cawh dihding an si ko hnga.
Sihmanhselaw anmah pumpaak caah an tlawnglo,Miphun caah an cawlcanghnak a si cu kan theih dih cio ko khah.
Cucaah a tu i tangka nan thawh mi pawl hi a tlau hrimhrim lai lo,heh nan aukhuan hnawh hna ruangah hin rianrang in thawng zong an in thanh hlei fawn hna lai lo,Phu pakhat nih kal ning an ngei ve i cu an kal ning he i tlaak in zapi sinah chim caan le thanh caan cu an ngeih ve hrimhrim te ko lai ti kha hngak ko hna usih.
A tubantuk in checkhlatnak a tuah lengmang mi hi miphun dothlennak lam a dawnkhaantu pakhat kan si ti i thei hna usilaw mipi zong nih dalan nganpi pei an si hi ti zong in ruat fawn hna usih.Kailawm. TDT