Kan Kawlram Kawngah Malaysia Prime Minister Biachim Cu A Ttha Tak Tak

Myanmar Ram Buainak Hi Ramchung Buainak Menmen Lawng Si Loin Humhimnak Le Remdaihnak A Hnursuan Tiah Malaysia Prime Minister Nih A Chim.

Myanmar ram buaibainak hi ramchung buainak menmen lawng si loin Myanmar ramchung dihlak humhimnak le remdaihnak a hnursuan cang caah ASEAN cu a dikmi le tlukruannak leikap in kan dir lai, tiah Malaysia Prime Minister Anwar Ibrahim nih a chim.

Anwar Ibrahim cu Philippine ah i hawikomhnak tuah ding le zohchuntlak sinak doctor degree va lak ding in a kal lioah atu bantukin a chim hi a si, tiah theih a si.

Malaysia Prime Minister nih, Philippine President cu Myanmar ram buainak a phi kawl ding ah lamdang kan kawl a hau. Zeiruang kan ti a si ahcun Malaysia ram ah Myanmar rammi sing 2 leng an um cang, hihi kan ram ca ah ṭih a nungmi le kan ram a hnursuang khotu an si, tiah a chimh.

A luancia February thla ah Malaysia Prime Minister cu Thailand ram a rak tlawn lio zong ah Myanmar ramchung nuhrin covo buarnak ruang ah Myanmar ram cu ASEAN chungtel sinak in kan hnon chung lai tiin a rak chim bal cang. Cu hnuah ASEAN cu a dikmi, tlukruannak a ummi le upadi ning in a kalmi lei ah kan ṭang, tiah a chim hi a si.TCP