India-Myanmar-Thailand Pehtlaihnak Lampi Cu 70% Kan Lim Cang Tiah India Nih Thanh.India-Myanmar -Thailand ram pathum pehtlaihnak lampi cu zatuak 70(70%) tluk kan dih cang, tiah India Union Minister Nitin Gadkari nih The Hindu ah a chim.
Southeast Asia ram pehtlaihnak ding ah India, Myanmar le Thailand nih an cawh cuahmah mi lampi hi 1400km in a sau mi a si i, chawlehnak, ngandamnak, fimcawnnak le khualtlawng mi hna ca ah hrangtlai mi lampi a si lai tiah ruah a si.
Cu lampi cu India, Manipur ramkulh, Moreh in Myanmar ramchung ah a lut lai i, Thailand ram Mae Sot ah a lut lai. Lampi hi 2019 kum ah lim ding in India cozah nih timhtuahnak a rak ngei nain, caan karlak dinhtak a si. India transport minister nih cun zeitik ah dah an lim khawh te lai ti cu fiang in a chim lo.Chin News