Hakha Ah Duh Paoh In Facang Cawk Khawh A Si Ti Lo. Chin ramkulh, khuapi Hakha facang dawr cheukhat ah facang a um ti lo caah dawr an khar, tiah theih a si.
Gangaw lam le Kalaymyo lam a awn rih lo caah Hakha ah facang duh paoh in cawk khawh a si ti lo. Cheukhat dawr hna cu a kharmi an tam cang. Hakha le Kalaymyo lam cu awng seh law facang a lutchuak kho ko lai, tiah tualchung mi pakhat nih The Chin Post ah a chim.
Facang cawk ding in ka kal i, facang dawr tampi cu an khar dih cang. Kan cawk tawnnak facang dawr zong an kharnak a sau ngai cang tiin kan theih. Facang cawkcia zong tam kan ngeih lo caah a poi ngaingai ko, tiah facang cawk ding in a kalmi pakhat nih The Chin Post ah a chim.
Kalay in a luancia March 9, in a rak i thawhmi SAC ralkap cu April 19, tiang ah Hakha phan loin Chuncung khua ah an taap rih. Hi ruang ah Kalay lei thilphurh le tlunkal khawh a si ti lo, tiah theih a si.