CNA, CDF-Matupi Nih SAC Ralhrang 13 An Thah Hna; Hliamtuar Zong An Tam. Chin ramkulh, Matupi peng ah ei-din le thazaang chap ding in kalmi SAC ralhrang pawl cu CNA, CDF-Matupi nih an kah hna caah kahdohnak fakpi a chuak i SAC ralhrang 13 an thi, hliamhma tuar zong an tam, tiah CDF- Matupi mih March mi 26 ah cathanh an chuah.
![May be an image of outdoors and text](https://scontent.fdel24-1.fna.fbcdn.net/v/t39.30808-6/338018674_914686553192229_5120793142036354842_n.jpg?_nc_cat=109&ccb=1-7&_nc_sid=8bfeb9&_nc_ohc=WGlRXqbsUJwAX_ZiVdg&_nc_ht=scontent.fdel24-1.fna&oh=00_AfDIs_PRIjFo_04pzN1L-w33jOuy2pi-s7HsrlxxpgElCA&oe=64264419)
Matupi-Paletwa lampi ah ummi Theboi Sakhan ah thazaang 80 tluk le motor 3 in kalmi SAC ralhrang pawl cu March ni 20 in 26 tiang an kah cang hna, tiah an langhter.
SAC ralhrang pawl cu Matupi -Paletwa metung (24/16) voi khat, an karlak luhhnawh in voi 3 tiang an kah khawh hna caah SAC ralhrang 13 an thi, hliamhma tuarmi zong an tam, tiah CDF-Matupi in į¹uanvo ngeitu pakhat nih a chim.
Ni 7 tluk deng kahdohnak ah CDF-Matupi in minung pakhat nih hliamhma a tuar, tiah an langhter. Matupi-Paletwa lampi mengtung 16 pawngkam hna ah SAC ralhrang nih lamhmi bomb pawl an hmanh hna caah thianhlimhnak/zohfelnak kan tuah hnu lawng ah umkal khawh a si te lai, tiah CDF-Matupi nih thanhca an chuah. Lungmili Post