Laiza Pawng Ralzaam Camp Inn 30 Leng A Kang. Kachin ramkulh, KIO hriamtlai uknak hmunhma Jay-yang ralzaam Camp ah meikanghnak a chuak i inn 30 renglo a kang, tiah tualchung hriamtlai KIO nih theihternak an tuah.
Vaute[March] 19 zanlei suimilam 3:45 tluk ah meikanghnak a chuah hi si. Jay-yang ralzaam Camp kanghnak ruang ah chungkhar 37, minung 178 nih harsatnak an tuar, tiah an langhter.
Jay-yang ralzaam Camp hi 2011 kum in KIA le SAC ralhrang kahdohnak ruang ah an tlaknak hmunhma a si, tiah theih a si.
Thawngpang dang relchap- Kyaukkyi Ah Khualtlawng Phurtu Motor Bomb Hmenhmi Pah Sualnak In 3 Liam 2 Hliam An Tuar
Vaute [March] 20 zinglei sang ah Bago ramṭhen Nyaunglebin pengkomh Kyaukkyi khuapi ah khualtlawng motor bomb hmehmi pah sualnak in 3 nunnak a liam 2 hliam an tuar tiah theih asi.
Khualtlawng mipi nih an i citmi “Win-Yadana” motor hi Kyukkyi in Natthankwin a kal lio ah Nyaungkone hlei donhmi pawng ah bomb hmanhmi pah sualnak in a puahkeh hi asi tiah kan theih.
Nunnak liammi hna Ma Uan Myit, U Han Tha le U Kyi Lwin hna hi an ruak zong zohngam a si loh tiah ṭuanvo ngeitu pakhat nih a chim.
Hliam tuarmi pahnih motor mawngtu U Ning Kook le Mya Mya Soe hna cu si-inn ah rianrang in kalpi ansi tiah theih asi. Lungmili Post