Pakistan Le Afaghanistan Ah Lihninhnak A Chuah Caah Minung 12 Nunnak Liam, 40 Leng Hliam An Tuar
![Afghanistan earthquake: Pakistan army leads rescue as death toll rises | Earthquakes | The Guardian](https://i.guim.co.uk/img/media/829bb8c27530ebbc8dc4a284b0b371dfe7ba7ba8/0_193_3000_1800/master/3000.jpg?width=1200&quality=85&auto=format&fit=max&s=f7a75248b05871ba02d53fb4f9e46f19)
March ni 21, ah Pakistan le Afaghanistan ah a tha fakmi lihninhnak a cang i minung 12 nak tlawm lo an nunnak a liam i 40 leng nih hliamhma an tuar tiah theih a si.
6.5 tluk a tha fakmi lihninhnak a chuah ruang ah inn zong an rawk i vawlei cimhnak tiang a cang tiah theih a si.
Li aa hninhnak hmun hi minung an tlawmnak le lam hlatnak hmunhma a si caah bawmhchanhnak tuah ding ah rang ngaiin kan cawlcang kho lo tiah Afaghanistan ram ṭuanvo ngeitu hna nih an chim.
Lihninhnak a chuah ruang ah Pakistan ah minung 9 an nunnak a liam i, Afaghanistan ah minung 3 an nunnak a liam tiah theih a si.
A luancia kum June thla chung ah Afaghanistan ah 5.8 tluk a tha ṭhawngmi lihninhnak a rak chuah ruang ah minung 1,000 leng an nunnak a rak liam tiah theih a si.TCP