SAC Ralkap Cozah nih tukum chungah Kachin, Chin, Karen, Karenni le Sagaing ah biatak thlak in raltuk a timh i, KIA Hqtr Laiza hmun hi huam sam te’in a nam cuahmah lio asi. July 8, 2023 khan Laiza Hqtr in Meng-6 hlat ah um Namh- San-Yan khua cu Ralkap nih an luhhnawh na’in KIA le AA tangti hna nih an rak da’n kho rih ca’ ah Nihnih chung miakpi le Jet fighter-3 bakin
in bombs an thlak hna.
KIA Hqtr hi China ramri pawng te’ah an um ca’ah KIA hi an thin aphang lem lo’in alang. Cun, tuanhlan deuh te’ah khan KIA Ralbawi le SAC Northern Commanders hna hi athli te’in an i bia(mah hi Chindwin News nih kan theih nan kan tial duh loh)pinah KIA Poisa hmuhnak Lungkhur cawhnak ca hmang dingmi Zen-phut (ယမ်းမှုန့်တွေ)phur mi Trucks mawtaw cu Kanbari China- Myanmar ramri Gate ah an tlaih.
Northern Commanders Major General Ko Ko Maung siannak nawlin kan phurmi asi an ti ca’ah July 14 ah khan Bochuk Ko Ko Maung, Dy Commander Brigadeir Aung Myo Oo, Colonel Aung Kyi Lin(Border Affairs Minister), Phakant Camp Commander le Officers-2 cu Nyphydaw ah Dy Senior General Soe Win nih a auh hna i, midang cu an rian in an thial hna na’in Bochuk Ko Ko Maung cu tutiang a umnak theih asi lo.
Bochuk KoKo Maung hi Anna-Ting hlanah khan Kachin ram Bamow Infantry Battalion-21 le Mu- Kong Strategy Commnd-3 ah Commander in a rak tuan cang ca’ah KIA kong hi a thei ngaimi a si.Cun,2021 Anna-Ting lio’ah khan SAC Ralbawi Major General cung- 78 chungah Bochuk Ko Ko Maung hi No.77 nak asi i, Maj General Zaw Min Thun hi No.69 nak asi ve.
Cuca’ah Nizaan chun ah khan Bochuk Ko Ko Maung ai’a ah Kalemyo Taada Oo umhmun khuar GOC (Operation) -10 Commander Brigadeir Gen Soe Hliang cu Major General pekin Northern Division Commander ah an chiah i, Nizaan lila’ah khan Myitkyina a phan ti’ah theih asi.
Cun, Home Deputy Minister le Police Chief Major General Zin Min Htet cu Security lei’ah a tlinh loh an ti i,Youths& Sports Dy Minister ah an thial i, ai’ah Golden Triangle Commander Nyi Lyin Aung cu Police Chief ah an chiah tha’n. Culawng silo’in ralbawi tampi zong an thial thluahmah hna ca’ah SAC chung ah buainak zeimaw cu an nei ti’ah zumh asi.
Kan hnu lei Zarh ah khan AA nih ARSA tuk ding in Battalion pakhat a thlah i, July 18-19 ah khan Buthitaung township Mayu Hills, Sein Hnin Pya khua pawngah nihnih chung bak chun-zaan in an i kap nakah ARSA lei’in 11 an thi i, tamngai hliam an tuar. AA lei zong 5 an thi i, hliam tuar mi-3 cu ARSA nih an tlaih ve hna(video ah kan hmuh).Cun, SAC Ralkap-200 hrawng cu Sein Hnin Pya, Ta Pyik Taung, Khin Chaung khua lei’ah an kal ve ti’ah pawngkam mi pawl nih an chim.
AA le ARSA hi Kum 2019ah khan kah-daihnak an rak tuah hnu’in tutan hi biatak thlakin an i tuk tha’n vawikhatnak asi. Rakhine Rohingya ARSA(Arakan Rohingya Salvation Army)hi Kum 2013 ah Ammar Jununi nih a dirhmi asi i,2017 ah khan Mipum- 400 hrawng an si na’in 2018 hnu cun Mipum- 200 hrawng telawng an tang.
25 August 2017 ah khan Rakhine Ramri congh Border Guards Palik Stations-29 ah a rualin an tuk hna i, Palik zeimawzet an thi pinah Camp’s an lak kho na’in Myanmar Ralkap Western Division nih ralpi tuk in an phomh ciammam hna ca’ah Rohingya Mi pi Ting-7 leng cu an rak lutnak Bangladesh ram ah an zaam dih. tuchun ni tiang Bangladesh ram Cox Bazaar Refugee Camps ah an um hna.
Nizaan 22/7/2023 ah khan Bangladesh Rapid Action Battalion(RAB) Police / Security pawl nih ARSA Top Leader Hafez Nur Mohammed le mi dang-6 an tlaih hna ti’ah Dy Commissioner SM Hajmus Sakib nih News pawl sinah a chim i, hi hna pawl nih hin Ralzaam Refugee-48 leng an thah cang hna.Ni Kum ah Mi-43 an thah cang fawn hna ti’ah a chim chap rih.AA le ARSA an i tuknak cu dai dawh asi rih lo.Za rih seh mu. MC Biklian