Kalay-Taingen Lampi Cu Hman Hrimhrim Lo Ding In CDF CDM Siyin Nih An Thanh. Kalay-Taingen lampi cu nihin July 14 thawk in hman hrimhrim lo ding, tiah Tedim hrambunh CDF CDM Siyin nih cathanh an chuah.
Chin ramkulh, Tedim peng, Taingen khua ah umhmun a khuarmi SAC ralkap hna cu an umnak sakhan ah Chin ralkap phufonh nih July 11 ah khan an kah hna i, cu hnu ah nihin July 14 ah Kalay – Taingen lam cu hman lo ding in cathanh an chuah. Kalay-Taingen lampi hman khawh a si tikah thawngthanhnak kan tuah ṭhan te lai tiah an langhter chih.
July 11 ah Taingen SAC ralkap hna umnak sakhan cu Chin ralkap nih an va kah hna i, cu kahdohnak ah cun SAC ralkap 4 an thih pinah meithal pakhat le kuan zun 700 leng kan laak, tiah kahdohnak chungah aa tel ve mi CNDF chungtel pakhat nih a chim. The Chin Post