Kalay Myo In Laitlang Lei Rak Kai Mi SAC Ralhrang A Rak Dohtu Kan Pasalttha Rual Hna
Kalay – Falam Kar Ah SAC Mawtaw Run Cu Tuni Ah Bom In An Doh Hna. Kalay khua in Laitlang lei ah a rak kai mi SAC Ralkap mawtaw run cu CDF,CDM,SIYIN, MEDF le KKG battalion 7 phu fonh nih tuni March 12 ah Kalay – Falam kar bom voi 10 in kan doh hna tiah CDF CDM SIYIN nih cathanh an chuah.
SAC Ralkap lei in a thi mi le a hliam mi an tam nain fiang in kan theih rih lo. Mipi hriamtlai lei in a hliam mi an um lo tiah theih asi.
Tuni March 10 zinglei sml 8:30 ah CDF CDM SIYIN MEDF phu fonh nih SAC Ralkap mawtaw run cu bom voikhat in an puah hna ii SAC Ralkap 6 an thi 21 hliam fak in an tuar tiah theih asi.
Rallam sial in a raa mi SAC Ralkap pawl cu Mohleik hrambunh Kah – Mah – Yah (365), Mineseik hrambunh Kah – La – Yah (287) battalion, Tatmah (22) kuttang (204) battalion pawl an si tiah theih asi.
Cu pawl hen cun Raltuk nak Tank 2 tel in mawtaw (40) minung thazang (250) hen rallam sial in an raa ii a tu ah Tidim peng le Falam peng ah an um.
Kalay – Tidim lampi cu mipi pawl nih an hmang khawh cang ii Hakha , Falam in Taingen lam cu kal rih lo ding in an nawl hna.Crd: CBN DN
