Ralhrang cu Lumbang khua an phan dih cang, Falam ralhrang kha nihin zing khan Falam le Var kar Zamual khua an rak phan ve.
Ralhrang rual cu Lumbang Siang inn ah tuzan riah an itim. A hungkai lio hna a dongtu ding le security laak piak tu ding an si ko lai tiah khika lei sinin kan theih.SWHC
Relchap- Khin U Ah SAC Ralkap Nih Rallam An Sial Caah Tualchung Mi 9000 Leng An Zaam. Sagaing ramá¹hen, Khin U peng nitlaklei ah SAC ralkap minung thazaang tampi nih rallam an sial caah khua 8 in tualchung mi 9000 leng an zaam tiah tualchung mi hna nih an chim.
Nihin, March ni 17 zinglei suimilam 7:30AM hrawng ah Khin U peng nitlaklei ah umhmun khuarmi SAC ralkap le Yuatitkone khua ummi pyusawhti 50 leng nih Chaintakone khua nitlaklei in Nyaungpinkyi khualei ah rallam an sial caah meng khat tluk hrawng an i hlatnak khua 8 in tualchung mi 9000 leng cu an zaam hna tiah theih a si.
“Hriamngan le hriamhme i puahpah in khuachung ah an lut, tualchung mi hliamhma tuar an um le um lo kan thei kho rih lo, khua khat le khua khat hi meng khat tluk hrawng lawng an i hlat.
Khin U peng ah SAC ralkap nih Martial Law a thanh hnu February thla dih lei ah khan SAC ralkap nih Yuatitkone khua in hriamngan an thlah caah Inpat khuami nu 3 le pa 2 tiin minung 5 nih hliam an rak tuar” tiah tualchung mi pakhat nih a chim.TCP