Min Aung Hlaing khi kai ruah ningin ka si loh a ti len ve ko lai dah.Mah kai ruah ningin ka si loh timi biafang hi nungak muidawh Iang Ci bia a si (atu cu ` Pi `a si tuk cang).
Mah bia hi Malaysia kan rak um lio 2000-2001 hrawngah rak laar ngai bal. Malaysia CCF kum khat tlinnak “Chokhlei Mekazin“ ah culio nungak muidawh C. Angeline Iang Ci nih “kai ruah ningin ka si lo“ timi tlangtar in cabia a rak ṭial.
A nih hi UPC Khrihfabu lei in Pastor te he chikkhat Malaysia a rak ra tami a si. Culio Kawlram dirhmun ruangah Kawlram tlun ti loin Malaysia ah a tang beh. Malaysia um hnuhnu cun rianṭuan a hau cang i, amah zong Tuluk Restaurant ah a ṭuan ve.
Mi kut tang i rianṭuan a harning kha cherhchan in mah cabia hi a ṭialmi a si. Malaysia a ummi paoh ai ruah ningin a si lomi lawngte kan rak si dih ko hna caah a bia a rak laar ngaingai phahnak zong cu a si.
Atulio Min Aung Hlaing khi zei ngaingai a tuah khawhmi a um lo i mi fanau pa, zei bia a chim zongah aho nih an zumh lomi ka ruah ah kum 2000 lio i nungak muidawh Iang Ci bia hi ka lungah a hong chuak ngai.
Amah zong “kai ruah ningin ka si loh“ a ti len ve ko lai dah. Amah ngaihdawng le kha lio Malaysia chantiluan ngaihdawng zong si pah seh ka ti.