Hi Vawlei ah Minung i caan kan hmannaak hna tuanbia kan ttial in kan um lio kha,ka caah reltthan le kau tthan a har taktak mi sihmanh selaw,Ka thinlung ah theih pengnak belte cu na ka chiahtaak..Kai nuamhnak kha ka caah ttahnak a si te lai ti hrimhrim ka rak thei lo.

Ka nunnaak ah Mitthli tlaa in ka caan hi hmang tawn hmanh ning law,nangmah belte tuaktaan hau in na um lai lo ti ka ruat i,tuaktaan haulo mi pi khi ka hei in tuak le ka hei in ruat.

Vei mu!…nangmah ruat lo dingin ka tuaktaannak khap khawh ttunglo in ,nang nih na hei tuaktaan mi cu thei kho hmanh hlah ning law,na hei ka ruat ve tawn hnga maw ti hi ka ruat tawn.

Ka caah par bang par ve ti hmanh hlah law,theih pengnaak thinlung ah hmun cu na rawlh i ,na ka tuaktaannak ka don ti lo hnu le na sinah i hnauhkhawhnak Ka neih khawh ti lo hnu ah ,ruahchannak tlau a kengtu men ka rak si kha ka theih.

Daite i na rak um ziar…asinain daiziar i na rak umnak a ruang kha keimah khuaruahnak ah tuarin khawhnak na ka peek a si i,cucu,nangmah kan philh khawhnak ding ca i a rak ka bawmtu kha na rak si. TDT

By admin

Leave a Reply

Your email address will not be published. Required fields are marked *