Joshua Van Cu Azat Maksum Nih A Singkhaw Colh Hi Teh. Joshua Van cu naite ah UFC ah a teimi pa ram MMA pakhat UFC zongah voikhat teinak a hmu ve mi nih a singkhaw colh cnag. An rampa a teimi kha aa cenat lo i Joshua van a singkhaw si a si. Amah hi a min cu Azat Maksum a si.
MMA ah voi 7 ai thongh I voikhat hmanh a sung bal ve lo. Cun UFC ah voikhat ai thongh ve cnag I teinak a hmu vemi a si. Joshua Van he hin an dir hmun aa khat ti awk a si. Mino te veve an si. Joshua Van zong nih a leh colh ve. A rauh hlan ah an i thong kho.
A dang relchap. Thlakhat hnu cun lam zawh in tei khawh an si lai lo, Kawlmi nih biatak tein meithal in an thuat ve lawng ah tei khawh an si lai timi ka pemh caah lam zawh kai din. Meithal lawng teinak lam’ timi ka dirpi tuk ko nain.
Kawlrawn (Yangon, Mdy, NPT) mipi nih meithal in biatak tein an doh hlan ahcun Chinram ah meithal kan puah awk a si lo, Kawlmi nih biatak tein an doh tung lo i kanmah lawng nih kan doh sual ahcun kan tei fawn lai lo caah kan cei lai.
A miak um loin sungh nak lawngte kan tuar lai, kan ram a rawk dih lai tiin ka rak aupi than. D-day an thanh tikah Yangon lei Kawlrawn mipi nih biatak tein an doh ve ahcun keimah pumpak zong Laitlang ah ka tlung ve lai i raltuk.
Kai thawh ve lai tiah ka rak i timh. Nain, atuhi D-day an thanh nak kum 2 si cang i Kawlrawn (Mandalay in thlang lei Kawlrawn vialte) mipi nih biatak ngai in an dohmi ka hmu rih lo. Khuabawi, USDP member le ralkap tanhtu.
Hriamnam ngeilo lawng an thah tawn hna. Ral an tho taktak lo. Kawlrawn mipi 95% daithup in an um lio ah kanmah lawng ral kan tho sual lai tiin ka rak phan tukmi kha atu cu a tak ah a hun si cang. A poi tuk ti leng in chim awk ka thei lo.
Jesuh nih a zultu hna kha nan ral tihnung hna lakah ‘rul bantuk in nan thluak hman thiam i zuam u’ ati hna bang, kan miphun hruaitu hna zong nih kan miphun zawn ruahnak he rul bantuk in nan thluak kan hman piak ve cang hram u. Crd: chinmirror.com