FB hawile hna, a ruahzia ka thiam hram ko u. Thawngtha an chimnak le cauk an tial mi tete ah “Israel miphun cu Izipt ram ah kum 430 chung sal an taang” tiah an ti lengmang tawn mi nih siarem loin an ka tuah tawn.
Cucaah a tanglei ka catial mi te nih hin voi dang thawngtha an chim caan le catial mi kan rel, kan ngaih tikah bawmchantu a si hmanh maw tiah tawite in ka vun langhter.
Hey! Israel mi hi Izipt ram ah sal an rak can kum kha kum 430 a si hrimhrim lo. Izipt ram ah sal an rak taan kum cu kum 400 a si. Israel miphun Izipt ram i sal an rak si hlan ah Jakob fapa Josef cu Izipt ram vialte uktu bawi ah khan ser a si (Gen. 41:33).
Izipt ram siangpahrang Faro kut tang i riantuan hram aa thawk ah khan Josef cu kum 30 a si (Gen. 41:46) i a thih ah kum 110 a si (Gen. 50:22). Baibal ah fiangte in a um mi cu: Israel mi cu Izipt ram ah khan kum 430 an um (Exo. 12:40; Gal. 3:17). Israel mi Izipt ram ah sal an cannak kum cu kum 400 a si (Gen. 15:13; Lam. 7:6).
Cucaah, siaherhnak he na biachim le na catial mi ah “ Israel miphun cu Izipt ram ah kum 430 chung sal an taang” tiah ti hrim ti hlah law, kan duh piak.
Hi kum 430 a timi hi cu, sal an si hlan Jakob fapa Josef a nun chung he rel chih in kum 430 a sinak tu kha a si deuh. Izipt ram ah kum 430 an um nain kum 400 chung lawng sal an si. Cuvial… kaa lawm. Salai Za Lian Thang