Isreal le Hamas ituknak hnu bik thawng. Israel le Hamas ituknak ni 17-nak a phan. A hnu bik an thawngpang le theihtlei a tlangpi in kan hrawmh hna.
Australia Sky News nih Palestine miphun ca a aukhuang kho buu min ngei upa bia an ruah hna. US lei zong nih Palestinian politician minthang nu pakhat bia an ruah.Paletinian politician minthang nu nihcun, “Hamas pawl cu an cii an hmit kho hlei hna lai lo,” a ti.
An mifim le an upa hna nih Hamas nih Israel civilian an rak thah hmasami hna kha sual ah an hmu kho lo. Justified tuah khawh an izuam.
Sky News Australia anchor nu nih Muslim cathiam minthang nu bia a ruah ve. Muslim nu nih a thin a phawhter i Sky News biahaltu cu thinhung lakin a tuah. Zoh a chia bak.
Muslim mifim cu anmah tining pin in al khawh an si lo; an chim ciami zong phundang in an let khawh colh i intellectual biaruahnak le debate phunphai ahkhin Muslim he icuk ding na si sual cun, nai ralrin cia tuk hau lai tinak si.
US ralbawizik hlun nih, Iran kha Israel nih Hamas a tuknak kongah “rak ithlak hlah. Nai thlak sual cun nai chir tuk lai” tiah media sin in a tlerh bantuk in tulio US ralbawi General pakhat zong nih Iran cu daite khan rak um, nai thlak cun na cei tuk lai tiah a hei hro ve.
Nain, tunai sml 1 hrawng thawngpang a rami ah cun, Iran nih ralhruang pakhat ka von chap hna lai tiah a tlerh ve hna.
Gaza chak deuhvak Israel ramchung ramri lei khuate Kibbutz pawl ah, Hamas nih a rak luh hnawh hna tan ahkhan civilian an thah hna, an tlaihhrem hna, ai tlaih hna i an ikalpimi hna zong an um, ngakchia tete zong an lu an tan hna i an khangh hna, ti in Israel lei NGO, CSO phun le IDF nih an va hmuh.
Mah cucu Israel lihbia a si tiah Palestine lei an mifim vialte nih Hamas an kilhkamh. Ngakchia hngawng an tan an timi (hmanthlak) bang hna kha cu AI in an sercopmi a si, an ti deih ko.
Thai miphun pawl cu Israel ram ramri khuatelei cinthlaknak i aa hlawhfami an tampi. Hamas nih a rak luh hnawh hna i a rak kah-thah hna ruangah a thimi 30 an si cang. Hliam tuar 18 an si i, Hamas nih hostages in an ikalpimi hna a tlawm bik 19 an si lai ti si.
Ho bia dah na zumh lai?Gaza siizung (Catholic ta phunphai) kahnak kongah vawleicung media vialte nih IDF kahmi si an rak ti hmasa. Nain, a rak si lo. Kuan a ratnak zawn khoika in a si ti IDF nih an hliah khawh. US intrelligence zong nih an hliah khawh ve. Hi kong zong ah Palestinian le a ṭanhtu Arab hrihhruai unau vialte nihcun IDF kahmi a si, an ti.
Israel tank pakhat nih Izipt ram chung inn pakhat a hei kah sual. Mah cucu IDF nih, kanmah nih kan kah sualmi a si ko tiah anmah kahmi cu kanmah kahmi si ko, an ti i “kan ngaithiam uh” tiah thanhnak an tuah colh.
Gaza siizung kahnak kong cu IDF chimnak nawl ngei nih fianhnak ṭha tein a tuah. Vawleicung media pipi nih an rak thanh cia dihmi si caah nan izumh dih ko lai. Hamas hlenthawinak izumh hlah u” tiah a ti.Hodah na zumh deuh hna lai?
Israel president nihcun “Kan ram ikilvennak caah kan phomh rih ko hna lai. Rak kan tlangtlaak leen hlah uh, Hamas cii kan hmih khawh hlan lo kan phomh hna lai” tiah awhrang nawn in bia a chim.
A liam cia sml 24 chung a kahning hna cu a faak chinchin ngai, ti si.Hamas nih chemical hriamnam serchuah ai timhnak le a hman zong maw a hman te khawh men ti zong a chim chih.
Lebanon lei in a thi thak tuk cang i Israel a teer dudup cangmi Hezbollah pawl cu PM Benjamin nih “Dai uh, nan cei lai. Kan in phomh cek hna lai” tiah a hei hro chin hna.
Gaza chung Hamas, Lebanon chung Hezbollah le Syria pinah Iran a van ichap ahcun, Israel cu buu li hrawng nihcun lang-hngan in an phomh men hna lai, tinak si.
US cozah, Rep. Byron Donalds, R-Fla nih, “Hamas pawl, American citizen nan ngamh cun tawng sual hna uh, nan lu le nan taw kan leh dih hna lai,” tiah a hro ve hna.A tlaang ka van kawm khawhmi ningah cun,
A hmasa ahkhan cun, Muslim pawl cu―a fiim tuk he fiim pah, fim theng lo he an dihlak in, “Hamas le Gaza mipi cu an idang ko, Hamas cu ralhrang, mipi cu mipi an si ko” an rak ti. Nain, atu ah cun, Hamas le Palestinian mipi kha ai khat ah an chiah hna i an thleidang ti hna lo.
Muslim cu an dihlak in Israel cii hloh dingah cun an lung ai khat dih ti in hmuh khawh an si. [a ruang na hngalh ah. Salai C Alexander