Israel Kahdohnak Ruangah Suimilam 24 Chungin Gaza Hmunhma ah Minung 700 Tluk An Thi. Hamas ṭuanvo ngeitu hna nih an chim ning cun, suimilam 24 nikhat chungah Israel kahdohnak in Gaza hmunhma ah minung 700 tluk an nunnak a liam tiah an chim.
Israel ralkap nih Gaza Hamas hmunhma hi tinh mi target 400 naak tlawmlo cu cunglei raltuknak in ankah caah Hamas ralbawi (commander) zeimawzat an nunnak a liam chih tiah theih asi.
Hamas nih Israel mi 2 an tlaih mi hna cu an chuah zalen cang hna sihmanhsehlaw Israel nih kahdohnak cu ka ṭhawnter chinchin lai tiah a chim. hi lio caan ah United Nations nih tualchung mipi bawmhchanhnak Gaza ah an luhchuah khawhnak lai nawlnak a tuah tiah an langhter.
A tu lio dirhmun ah cun, Gaza sii-inn hmun cheukhat hna cu electric mei an ngeih le dinti an harsat caah rianṭuan naak hmun cheukhat cu cozah nih an kharter hna tiah theih asi.
Israel, America, Britain le thazaang a ṭhawng mi ram hna nih ralhrang tiah an kawh mi Hasmas kahdohnak ruangah Israel minung 1400 baak tlawmlo an thi minung 222 an tlaih hna, Israel kahdohnak ruangah Gaza minung 5800 tluk an thi ve tiah an langhter. Lungmili Post