American nih a hruaimi Indo – Pacific ram 14 chawhrawlnak IPEF cu American ram Detroit khua ah an tuah khawh cang , thilri kuatnak zumh a tlakmi , a himnak ding kongkau ah lungtlinnak zong an ngeih hna kong cu American ram thilkuat chuahluhnak I minister Gina raimond nih cun thawngfianghnak ah a chim theih a si.
Lungtlinhnak kan ngeih bantukin a voikhatnak bik kan tuah ding cu “thilri tuamhlawmtu le a kuachantu council’’ kan tuah lai cupinah hnahnawhnak hna tlangtlatu hna phu [ Crisis Response Network ] zong kan chiah hna lai tiah raimond nih cun a chim .
Mah hi lungtlinnak ah hin riantuantu covo kong zong lungtlinnak kan ngeih chin fawn , thilkuatmi hna he pehtlai in riantuan tu hna caah zong ah ruahchih in tuaktan a si , Cozah , riantuantu le rianngeitu hna telh in committee pakhat zong telh a si lai .
Riantuantu hna kong he pehtlaiin Indo – Pacific IPEF chawlehnak kong kau ah hin a biapi bik phun 4 chung ah a telve mi pakhat a si , a dang phun 3 hna cu thilkuatnak , nikhuacaan he zohchihin le thilkuatmi thlen nawnnak hna pawl an si hna , mah riantuannak kongkau hna cu a tlinchin chin nak ding ah tiin a caan lak in a dang kongkau hna zong an I ruah than rih te hna lai kong theih a si .
Mah hi IPEF ah hin China an I tel lo nain , APEC Asia- Pacific tuah ding mi ah cun China an I tel ve lai kong theih a si.