February 13 cu International Condom Day (ICD) holiday puai a si. Cucu 2009 ah AIDS Healthcare Foundation (AIF) nih an rak thawk mi a si. Zeiruang ah dah AIF nih Internation Condom Day hi an tuah ti ahcun nu le pa/ nungak tlangval karlak runvennak caah a si. Zeiruang ah dah Feb.13 theng te ah ICD hi an tuah ti ahcun Feb.14 hi Valentine’s Day a si caah asi. Valentine Day ah hin zawtnak tihnung chiahru a karh bik ni a si, nungak tete kumtling lo nu nih an I ruahlo tuk in naupoi a tamnak bik ni a si.
Cu caah nungak tete tampi nih an ruahlo in nau an poi tikah lungrethei in mah le mah ithahnak a tam. Cu bantuk runvennak dingah AIDS Healthcare Foundation nih mipi sinah a tam khawh chung tam in Condom an phawt hna ni a si. Cu caah Feb.13 cu International Condom Day tiah an tinak asi. Feb.13 ICD holiday cu international public health institutions tampi le World Health Organisation, le Kenya’s National Syndemic Disease Control Council (NSDCC) nih an cohlan mi holiday a si.
Valentine Day tuanbia rel tikah Pope Gelasius-I chan ah Rom miphun nih an ngeih mi Pupercalia timi puai rak si dawh asi. Cu puai cu 14th century tiang hrawng tha tein an hman mi a si. Nain Pope Gelasius –II chan ah myrtar in a thi mi St. Valentine philhlonak ah tiin Feb.14 cu Valentine Day tiah a rak ti.
Valentine Day timi aa thawknak tuanbia hi a fekfuan mi taktak source lak ding a har deuh. Tulio vawleicung ram tampi nih an hman ning cherhchan ah ruah mi cu, Another common legend states that St. Valentine defied the emperor’s orders and secretly married couples to spare the husbands from war. It is for this reason that his feast day is associated with love . ti mi hi si deuh dawh bik asi.
V Day hi biatak deuh in an hmannak cu 1700s hrawng in asi. Cu zong cu US nih an thawk mi thiamthiam a si. Mah V Day ah hin zeimaw laksawng tete peknak, pangpar peknak, pangpar hmanh ah Rose sen mi an hmang. Caan zeimawzat a kal hnu ah nungak tlangval nih ningcang loin an hmang, nu pa sual tuahnak Ni ah an hman cang ruangah V Day ah zawtnak chiahru AIDS, HIV tbk le naupoi an tambiknak Ni ah a cang. Cubantuk in nungak tlangval nun a rawk mi chanchuahnak ding ah AIDS Healthcare Foundation (AIF) nih vawleicung ram kip ah agent hmang in Feb.13 ah Condom an phawt hna hi asi. Ceuuk Ceuuk