INDONA CHHUAH FO NACHHAN BER THIN PAKHAT OIL HI

Nikhatah khawvel in Oil 100,000,000(100million) barrels a hmang zo zel thin. Oil barrel khat hi international trade ah barrel khat hi litre 158.8 zel ani. Oil han tih hian a kawk zau hle a, tuna post ah hi chuan kan hriat lar petrol leh diesel chauh hi ni lo in, Crude oil ani a

Crude oil hi lei hnuai atanga laihchhuah niin, kum maktaduai tam tak chhunga ramngaw leh nungcha tinreng tawihral ,(decompose) atanga lo insiam ani, crude oil an laihchhuah hian heng: petrol,diesel, k.oil,paints (rawng),solvents, synthetic rubber, fertilizers,pesticides,pharmaceuticals te hi a in mixed vek a, a thlitfim na hmun ( refinery) a an sawngbawl hnu in an then hrang mai ani. Plastic te pawh hi crude oil composition seperation atanga neih vek ani.

Production. Oil hi khawvel ram 100 in an laichhuak a,laihchhuah zawng zawng atanga 50% hi a thar tam ram lian panga te thar ani daih! Kum 2000 chho atang khan average in khawvel oil laihchhuah hi nitin 80 million barrels alo ni daih tawh .

A tharchhuak tam ram lian bik tilang ila( 2021 IEA estimates) : Thar tam ber US in nitin 18.8 million barrels , saudi arabia 12. 5 million bd, Russia 10.5 million bd, canada 5.7 million BD, china 5.12 million BD, irag 4.5 million . IRan leh UAE ,kuwait ten an dawt thla. Europe ram ah Norway hian a thar tam a , UK in a thar aia tam hret a hmang bawk a , a lakluh a ngaih phah.

Consumption. A hmangtu tam zual deuh te: Pakhatna US in nitin 19 million barrel, Europe ram ho hman belhkhawm 15 million barrel, china in 14.5 million barrel, India 5.2 million , Japan leh south korea bakah ASEAN country ten an dawt thla.

Imports Ram dang atang chawlut tam te: Europe ram ten lei nasa berin 2019 estimate ah nitin oil barrel 14million, US in dawt in 8.8 million of crude oil, China in 10.8 million barrels, India in 5.2 million, Japan 2.4 million, south korea 2.6 million, Germany 2 million barrels, UK 708708, france 665180. ( UK ina a oil laihchhuahna reserve neih hian a hmanral ang rate a chhut chuan kum 5 bak a daih lo !)

EXPORT 2021 estimates A thawnchhuah hralh lam ah( thlitfim leh fim loh inpawlhin) : 2021 estimates. Pakhatna US niin 8.8 million barrels ,saudi arabia in nitin 6.6 million barrel a hralh , russia in 4.6 million , irag in 3.5 million, canada in 3.1 million, UAE 3.1 million, Nigeria in 1.8, Iran in 2 million, kuwait in 1.8 , Norway in 1.5 , .China 1.2 million bd, UK

Data atanga khian US khi engkimah a filawr ti tih ,ngatinge a lalut a, a thawnchhuak bawk si kan tih chuan ram tenau tam tak ina oil thlitfim loh ( Crude oil) an laihchhuah kha an ramah a thlitfim na tha an neih loh avangin US hian tlawm deuh in a lei a, a thlifim a , a zuarchhuak leh tihna ani, EXXON MOBIL kan hria anga, he corporation pawh hi hetiang bussiness khawih zinga mi ani, a thlitfim na tha Refinery changkang tak tak a ngah em vang ani, Hetiang tho hian Britain Netherlands , China etc pawn corporation lian tak tak an nei bawk ani.

US hian strategic oil reserve , indo thut emaw natural disaster chauh a hman atan Texas ah underground Storage 750million barrels zet dawng a nei a ,uluk taka ven ani ,china in 250million barrels storage anei bawk a,600 million barrels dahna a buaipui mek bawk ani. India hian 40million barrels anei ve bawk.

Kan leihnuai a la laihchhuah loh proven oil reserves hian tuna kan hman mek dan a chhut chuan kum 47 bak a daih tawh dawn lo tih chu chiang takin an proff tawh a, heng reserve zinga 17% hi venezuela ah awmin a bak ah chuan middle east ram leh africa ; iran ,irag,kuwait, Libya,nigeria,sudan,oman,egypt ,yemen congo leh Ukraine te ani, heng ram te hi han chhut mah ila ram buai reng ,buai mek leh buai thar foreign ram hausa te inrawlh na zu ni deuh vek a! Post leh a Natural Gas lam kan hawi dawn nia, UKRAINE hnuaiah hian a tam hem hem ania.

Author: admin

Leave a Reply

Your email address will not be published. Required fields are marked *