ICC Nih Russia President Putin Tlaih Nak Ding Biachahnak An Tuah
The International Criminal Court (ICC) nih Russia president Vladimir Putin arrest warrant ding in biachah nak an tuah tiah theih asi. Zei dang ruanga si lo in Russia Ukraine invasioin kum 1 nak tam a kal cuahmah mi WAR CRIME tiah a puh ruangah a si.
Hi lawng hmanh si in Ukraine hngakchia kum tling lo Russia leiah a kuat mi hna ruang zawngah a si fawn. ICC nih Putin tlaih khawh nak ding biachahnak an tuahmi cu kan nih kawlram mi Min Aung Hlaing a do cuahmah mi hna caah cun thawngpang ttha taktak a si.
ICC nihcun Russia cu Ukraine Civilians 7000 a thah hna lengah 8 million refugees umtertu ah a puh rih fawn. ICC nih hin Russia president tlaih khawhnak nawl an neih le neih lo cu tampi chim hau lo asi.
An duh taktak ahcun a rauh hlan ah an tlaih taktak te ko lai. Tlai zawkzawk hna sehlaw kan nih kawlram mi MAH a dohtu hna kan ca ko ah a ttha taktak ding mi asi. Putin an tlaih khawh bak ahcun MAH cu a sung ve colh lai.
