Myanmar National Democratic Alliance Army (MNDAA) hna sin ah SAC ralhrang pahnih an hriamnam tling he an lut tiah Chinland New nih a chim.
Mah kongkau cu The Kokang thawngzamhnak lei in april 13 tuni ah thawng a vung kan thanh. Ralhrang minung pahnih Mipi ralkap hruaitu hna sinah an chim mi bia cu, hi bantuk nan sin kan luh nak a ruang bik cu phaisa phalh in mipi harnak/ fahnak pek hrim kan duh ti lo caah kan luh mi a si tiah an chim.
MNDAA ralkap sin ah a lutmi ralhrang pahnih hna cu, sah-kah-khah kuttang i a um mi tatzin 231 ralkap an si tiah theih an si. Hi ralhrang pahnih hna nih an chim rihmi cu ralhrang an hawile pawl nih mipi sin ah ningcang lo tuk in phaisa an khawlh mi duhlo ruangah kan lut mi a si tiah an chim.