Central Lairam, Lawngtlai 2023 Biangreithlep 6: Nihin ah Home Minister Pu Lalchamliana thithruainak tangah cozah hruaitu hna lakhruak meeting an ngei.
Hi meeting ahhin Home Minister Pu Lalchamliana nih Manipur ah Chin hrinsor nih harsatnak fakpi an ton lawng siloin nunnak liam zong an ummi hi a poi ngaingai, Manipur buainak ah Mizoram cozah a um sawh lo
Mizoram mi le sa Chin hrinsor an nunhimnak dingah a si khawhchung in lam a kawl, cu bantuk cun Mizoram ah a ummi Mizo mi nih Manipur ah um Mizo mi caah dawhcah lo in thahrum hmang hraam hlah usih tiah nawlnak bia a chim. Nihin lakhruak meeting ahhin Mizoram cozah tuanvo lak ding biapi deuhmi caih a si, cu hna cu
1. Mizoram mi, Manipur ah aa hrengmi a rak kir duhmi caah a si khawhchung in vanlawng ticket tuaktan piak.
2. Manipur in ralzaam rak phan hna caah a herh ning in khankhannak ngeihpiak.
3. Herh lio caan ah chambau in um a si nakhnga lo Ngopa, Saitual le an khua kiangkap ah petrol le diesel hna stock that.
4. A herh ning caan hoih in Relief Camp ser ding caan a phanh tikah, laireltu dingah Sub-Committee dirh. Hi Sub-Committee nih Camp tuahnak ding khuakhan, a herh caan paoh ah tuah kho colh dingin timhcia in um ding.
Nihin meeting ahhin Home Minister hlei ah Home Commissioner Pu H. Lalengmawia, Principal Secretary, Health & Family Welfare Pi Esther Lalruatkimi, DM&R Secretary Pi K Lalrinzuali le Police Department ah hruaitu luban hna le sawmhlei mi hna an i tel. The Lairam Times