Kan hnu ah Chin mipi a tam u duhnak zuul lo in le Chin pasalttha le nu salttha hna nih an nunnak le an thisen tiang pee in ral an doh cuahmah lio ah a nih nih ralhraang bawi pakhat sinak an khinh mi cu a cohlan caah Laimi a tam u thinlung ah a thihnak le hlonh a sinaak kong ca in hlawinak ka rak ttial i,zeimaw nih cun keimah lila kha ,zei na theihthlu lo mi ah hibantuk hna in ca ttial hlah tiah keimah pumpaak in ca a ka kua mi tete nan um len hna i,nan ca kuat kha ka hei zoh sawsawh ko i kan let lem hna lo.
A ngaingai ti ahcun a mah nih a kut in ram mipi le mipi ralkap pawl kha kaap in that hmanh hna hlahselaw,Hriamtlai pawl cung ah nawl a ngeitu pakhat a si ve cang caah,Ralhraang nih rian an khinh mi a cohlaan hnu i ralhraang kut in Chinmi a thi mi paoh ah khan Dr khi Chin pasalttha a thattu tiah chim khawh a si. Cubantuk in,Nai ah Khuafo khua minung 8 bomb hmangin a thattu le minung tampi hliam an tuar mi zongah Dr khi ai tel lo tiah a ho nih dah a chim khawh lai.
Burma ram chung Tlangcung ralkap le Mipi ralkap pawl le Mipi pawl a tlaitu le a thattu ah Dr khi cu ai tel lo tiah a ti mi nan um ahcun,Hi hna phu chung hin a chuah a hau,cu si lo i a um ko rih ahcun, Rampi a thattu le naibik Khuafo 8 a thattu le hliam tampi a tuahtu kha a mah a si tiah ti khawh a si. Cucaah i fahsak ding a um lo,a sining te kha a tu ka van ttial mi a si ko hih.
Note:Dr hi minung sinak zong in ka upat mi le ka ttihzah mi pakhat a si i a zeibantuk hmanh ah ka tluknak ding khi a um lo,a sinain a ka tluk lo mi pakhat belte a um ve!Ralhraang lei a ttang mi ka si lo mi hi a ka tluk ve lonak cu a si.Kailawm.TDT