Hnabei sei awk an ṭha hnga dek maw?Unau Pathum Ṭangrual phu thawngpang cu a tur ko. MAH raap sachia pawl cu an battalion bak in an i-ap hna. Cheukhat nihcun an i-ap thluahmah rih hna lai, ti an zumh. Zeicahtiah cun, minung nihcun ral vai tuk i va thih ding naknun i laksawng hna co fawn, zalong te khuasak an iduh deuh cio.
MAH khi ralram le ramri lei ummi a kuttang pawl zawn a ruat lo tuk ti in, Kawl raap ṭanhtu lila nih sual an phawt cang. MNDAA lei biachimtu pawl an itang dor. Kawlram mipi vialte nih an dohthlennak kan theihpi hna sehlaw, rak kan dirpi hna seh ti an duh.
Tulio chan thar Kawlram chung dohthlengtu vialte lakah a fit bik timi Tun Myat Naing a holh rih lo. Mi tangdor mi pipuam si nain, lungfek ngei a si. Cucaah a ralkap pawl vialte an fit dih. Naal ka duak, seihkuyin thli thlah sawh hmang phun si lo.
Kawl pawl tampi nih kan in dirpi hna ti langhternak an tuah. Raap uknak nih a simh tuk cio hna. NUG acting president zong nih kan dirpi hna. Ral an thawh lio ah thawh cio ding a si ti in a hrih hawh ve.
Tuluk cozah nihcun tapung cu bawm hna lai lo. Raap Defense minister cu China ram a um lio si i ramri daihnak kong an ceih. Nain, China nih Kawlram chung buaibainak kong ngai ah cozah bawm phun zong in ai thlak lai lo.
Ai thlak ciicet, a gas pipeline vialte an hrawh khawh dihmi si. MNDAA tbk le UWSA tbk khi China cozah nih a bawm hna lo. CNA pawl cu India cozah nih a bawm ve hna lo cu mu. Annih cu an fit caah Tuluk hriamnam ṭhaṭha an ngah khawh.
Kawlram chung miphun hna lakah a tuarning a rak faak hmasa bikmi Rakhine, Kachin le Karen, cu pinah atu chanthar tapung Kokang tepawl le Kawl PDF pawl ibawm in raap sachia uknak cu hrawk kho dih hna sehlaw ṭha tukmi si ko hnga.