L.t Colonel Rian Kai Ter Mi DSA Ralkap Sianginn Cachim Tu Ralbawi 6 An Zaam. Pyin Oo Lwin peng Defence Services Academy-DSA sianginn cachim Major rank a si mi ralkap pawl cu L.t Colonel rian an kai ter hna nain Major ralbawi telh in ralbawi 6 cu DSA chuah tak in an zaam tiah theih a si.
Pyi Oo Lwin DSA sianginn ah Major Htay Khaine cu L.t Colonel rank an kaiter leng ah Captain rank a si mi ralbawi pawl cu Major rank kai ter an si nain rian an duh ti lo ruang ah SAC an chuahtak hi a si tiah ralkap thawngpe lei nih an chim.
L.t Colonel Htay Khaine chungkhar hi atulio mipi le SAC raldohnak a zual khun nak Salinkyi peng a ummi an si i, an umnak inn cu SAC ralkap nih hrawk piak in an ngeih mi thilri vialte in an chuh hna ruang ah ralbawi Htay Khaine cu lungfak in SDA sianginn le SAC bu a chuah tak hi a si tiah an chim.
Nihin DSA sianginn ah ralbawi rian sang a si mi hna le traning a kai lio mi ralkap bawino pawl nih an sianginn an chuah tak ngai cang. September thla ah Central Military Command chung um ralbawi Commander telh in a dang ralbawi pawl cu ralram kal duh lo ruang ah a tli mi le thongthlak a zizut mi an tam cang tiah theih a si.