Kawlram Kong Ceihkhannak ASEAN summit ah Joe Biden Aa Tel Duh Lo” ti ko u sih. Kawlram kong biapi taktak in an ceihkhannak Association of Southeast Asian Nations (ASEAN) summit ah US President Joe Biden a kal lo
China President Xi Jinping a kal ve lo. ASEAN summit ah president Biden hi kal sehlaw Kawlram kongah tampi ruahchannak a um hnga.
Report nih President Biden a kal lonak a ruang achim ning ahcun, India khualipi New Delhi ah tuah ding G20 summit ah kal a duh caah a si tiah a ti.
ASEAN summit hi September ni 5-7 tiang a si i, G20 summit hi September 8-10 tiang a si ve. Kawlram dirhmun kan i cuanh ah cun kan ram buainak kongah US nih zei ngaingai ah a ruat lo, zeipi ah a rel lo tinak a si.
India ah G20 summit ah Kawlram kong pakhat hmanh ceih mi an nei lo. Biapi taktak ah an ceih mi cu Ukraine kong a si. Kawlram cu ram 20 aa fun mi G20 ram in mi pakhatte hmanh nih an chuahpi lo.
Min Aung Hlaing alungthleng khotu tiah ruahmi China President zong a kai duh ve lo tikah Kawlram MAH uknak azizut dingah ASEAN nih zeipipa a tuah kho ti lai lo. Crd: Ceuuk Ceuuk