(Tahan lemziak thiam Cpuia Cpuia hian hetiang lawnglian hi a design thiam ve a ngem aw.) Khawvela lawnglian ber ni mek hi ROYAL CARIBBEAN SHIP ( Wounder of the Sea) tih a ni a, a sei zawng 1188 ft a ni a, a hlai zawng pawh 215 ft a ni.
Mihring leh bungrua la phur miah loin , amah lawngpui ringawt rihna chu 235600 Gross Tons a ni phawt mai a, March 2022 chauh a tuipui chunga mihringte phur kual tura hman tan a ni.
He lawngpui-ah hian mikhual 7084 a phur thei a ,a thawktu crew member 2204 te nen chuan lawng chungah mihring an tam viau dawn a ni. Mutna pindan bik 2867 a awm.
He lawngah hian inkhelna Tennis ,Futsal leh Swimming pool ,Bars tih ang reng bakah infiamna chi hrang hrang dah a ni bawk a, a then in an infiam bawrh bawrh laiin a then erawh chuan Aizawl Vanapa hall aia te lo Theatre Hall dang dang 5 velah intih hlimna concert ang reng an lo en ve thei dawn bawk a ni.
He lawng hi Tuipuia kum khat emaw chauh khawvela lawnglian ber nihna a hauh mek laiin hetian lawnglian siamtu a ngai bawk chuan hei aia lian zawk lawnglian ROYAL CARRIBEAN SHIP (Icon of the Sea ) chu 2024 kum tantirh lama hmang thei ngei ngei turin chhunzan zawmin an head mistari
Pu Nova hovin an lo tuk char char hlawm bawk a, a siam zawh meuh chuan Wounder of The Sea lawng aiin ft 10 sei in a sei zawng 1198 a ni ang a , a hlai lam chu feet hnih in a te hret dawn ta a ni.A rih zawng pawh a tam deuh hret tawh ang a, 250880 gross tons a rit ang.
Khualzin mi 7600 lai a phur thei ang a, room erawh chu ti zau hret in a nei tlem thung dawn a, room 2805 chauh a ni tawh ang. Lawng hnathawk mi 2350 an ni tawh dawn bawk a ni.
keini ,Mizorama Sairang khaw bul Tlawng lui a, thal tui tlem laia mi 5 vel chauh phur thei lawngleng chuang ve chauh tan chuan a va han lian dawn tak em aw.
Ramliana te unau phei chu Sairang khua pawh an la thle loh vangin kan sawi tak khawvela lawng lian ber hi an mitthla thiam pawh ka ring lo e.