Israel Defense Minister Nih Gaza Strip Cu Kulh Dih Ding In Nawl A Pek Cang! Hamas ralhrang phu nih Israel cu fak tuk in a kah hnu ah Israel Defense Minister Yoav Gallant nih Gaza Strip cu kulh dih ding in nawl a pek cang.
“Gaza Strip cu kulh dih ding in nawl ka pek. Electric mei, rawl, gas le zeizongte kan phih dih. Saram bantuk he ral kan tho, anmah bantuk in kan leh hna lai,” tiah a chim. Oct 7 in Hamas ralhrang phu nih Israel cu ruah lo piin an kah i, Israel rammi zeimawzat an tlaih hna.
An tlaih mi hna cu ruruhranghrang in an tuahto hna lio social media ah hmuh ding tampi a um. Hamas ralhrang phu hna cu Israel ramchung ah lutin tualchung mi an tlaih hna i, an thah peng hna caah Israel nih nem tein leh a tim lo.
Prime Minister Benjamin Netanyahu zong nih “ral kan tho” tiah a rak chim cang hnu ah atu bantuk in Defense Minister nih Gaza Strip cu kulh dih ding in nawl a pek. The Chin Post