Hakha Panh In Aa Thawhmi SAC Ralkap Le Tualchung Hriamtlai Phu Kar Kahdohnak Pehtlai In A Cang

Chin ramkulh, Hakha panh in aa thawhmi SAC ralkap le tualchung hriamtlai phu kar kahdohnak pehtlai in a cang tiah CNA in chimphuannak nawlngeitu Salai Htet Ni nih April 26 ah a chim.

Kalay-Falam-Hakha lam zul in Hakha lei panh aa timmi SAC ralkap run hna le tualchung hriamtlai phu kar Hakha peng Chuncung khua ah kahdohnak a chuah pin ah, Gangaw in Hakha lei a panhmi į¹­atmah 77 le tualchung hriamtlai phu kar zong ah kahdohnak pehtlai in a cang tiah Salai Htet Ni nih cun a chim.

“Kaphnih i kahdohnak hi ngol a si rih lo, Kalay in a rak i thawhmi SAC ralkap hna cu Hakha khuachung phan kho rih loin Chuncung khua ah an um rih. Cu ralkap hna he cun kaphnih kar kahdohnak a chuak.

Raltuknak vawnlawng zong atu le tu an ra tawn, bomb thlaknak tibantuk cu a tuah lo nain a kan hel tawn, Gangaw lei le Chungcung lei i kahdohnak ah SAC ralkap hna cu fak ngai in hliamh an si” tiah a chim.

“SAC ralkap thazaang 30 hrawng he voi khat kan i kahdohnak ah SAC ralkap 10 an thi, 6 nih hliamhma an tuar” tiah a chim chap.

SAC ralkap hna cu ni thum chung ah Hakha phanh an i tim nain, Chin ralkap phu nih an kahdoh hna caah zarh hnih tluk tiang an ruah ah Hakha an phan kho rih lo.

A liamcia April 21, ah Hakha hrambunh Rungtlang ummi khahlahyiah 266 battalion umnak hmun ah Chin hriamtlai phufonh nih hriamngan an kah tiah CNA in chimphuannak nawlngeitu Salai Htet Ni nih cun a chim.TCP

By admin

Leave a Reply

Your email address will not be published. Required fields are marked *