Mocha Thlichia: (Mocha Cyclone). 2015 kum ah Hakha a rak hrawk dihtu “Ruah” kha lehmah (a si an kan ti. Tutan ah a sur ding bal hi Lehmah (10) hrawng a si lai ti a si caah kan thinphan a zual khun cio. Upa vialte zong ralring ngai in an itim cio hna. Harsatnak na ton tik ah na kan pehtlaih khawh:
1. Tungbing motor Pa (15)
2. Light truck Motor pa(5)
3. Taxi pa (10)
4. Ambulance pa(4)
Vialte cu emergency na hman awk ah kan in timh tuah piak. Motor man pek awk aa harhmi poah nih na hmanmi motor number, a ngeitu min le phone naa ttial lai i nan kan chimh lai. Siizung maw, dornak hmun maw, rualchan inn tiang maw kan in thlah hna lai. Motor man bal cu Bawipa Pathian liam dih ding in hna tlak a si.
Cun, inn hrawhralh ruang ah rawl eiding a vun harta mi poah sin ah naa dornak hmun ah rawlfun kan rak in put zokzok hna lai. A man a um lai lo. Puan chaantu a ngei lomi poah caa zong ah puan ihphah kan rak in put ko hna lai. Phone line a pih sual ah cun nan kan ton khawhnak ding hmun cu:
1. HBDO-Hakha zung, Cherry Lam, Dawrthar. 2. Cherry Hakha Rawldawr, Chin-o-si, Dawrthar. Pathian cu kan HIMNAK a si ko. Cung Hu -09 400 30 5298 -09 400 90 5298. Pupa Minthang Ralțha Hna Lennak Lairam. Dear, Miphun hawile hna Dam in nan um cio dih hna maw? Nan umnak hmun le nan khuasaknak cioah Bawipa nih thluachuahnak in pe ko hna seh.
Pupa Minthang Ralțha Hna Lennak Lai Ram A hlan lioah cun e kan Lai ram cu ahohmanh nih rak uk lomi Lai ram le ahohmanh nih rak pen lomi Lai ram, zalongtein rak tlonlennak kan Lai ram dawh a si.
Hlan kan Pupa ralṭha rual hna nih dirkamh hna kan Lai ram cu. Asunglawi bik an nunnak tiangin rak pe hna maw kan Lai ram caah tiin. Sihmanhsehlaw cuar raang (Vun raang) rual hna nih cun zeithei loin rak uk hna ee kan Lai ram cu. Miphun aa khat komi Lai miphun cu rak ṭhen dih hna ṭhen thum le ṭhen li ah maw.
Cheu khat cu India ram ah maw, cheu khat cu Bangladesh ram ah maw tiin, cheu khat cu Kawlrawn (Myanmar) ram ah maw tiin…, kan Lai ram cu rak samh dih hna. Hlan ah miphun fa lo Lai miphun cu atu ah cun khat le khat ko hmanh i ral cang hna maw aa thei bal lo bang. Unau kan si ti kha philh dih hna maw e. Atu ah cun vun raang uknak tangin ngian tam Kawl rual uknak tangah tla thai cang maw kan Lai ram cu ee.
Lai mi kan lungfim a cu cang, kan dir i kan ṭuan awk a si cang, kan ṭhut sawhsawh ko ding a si ti lo. Atu hi caan ṭha na ngeih lio caan te a si. A hnuah ti ti hlah, caan nih an liam taak sual lai. Zingka (Zing niceu dawh) ni a chuak cang, rianṭuan dingah i thawh cang law it sawhsawh ti hlah.
Atu hi ih sawhsawh ko caan a si ti lo, zaanlei ninem nih an liam tak sual lai. Atu caan ṭha na ngeih lioah tho cang law kan Lai ram le kan Lai miphun caah ṭuan cang tuah. Ka nu Lai ram nih nang an herh. Salai K. Biak Lian Thawng