Chinram, a bik in Hakha ahcun siangcachim 90% CDM an tuah tikah ralhrang nih sianginn kan on an ti i, sianginn aa up mi an tam ngai tiah kan theih.
Saya/mah 10% nih siangngakchia cachimh cu hei tuak tikah a min men te in va kai sawh si ko lai ti a fiang. Tuhi Chinram ah private school an on ngai, mah private school nihcun ralhrang sinah sianginn on siannak an va sok, tangka an va pek hna tiah kan theihchap.
Private sianginn hi on ah ttha ko tiah nan ruat cio maw, MAH sinah va sok i, tangka va pek hnu ah on tthiammi sianginn si ko caah aa hlei lo nan ti dah? Silo ah, private sianginn tal cu i ong ko sehlaw, mirum hna nih kawl khuapi ah an fale an kai ter dih ko hna caah kan ti lai dah.
Si ah ta Chinram khuapi hna ah private sianginn ong hna nih ta sifak le santlai lo hna zawnruahnak le kaiter duhnak he an ong hnga maw, anmah chawlehnak ah dah an on, cu an sianginn ah school fee a tamtuk maw, santlai lo fale an kai hlei lo ding tiah ahmu le ruat nan um maw? Salai William Hlawnceu