Nihin Hakha Kahdohnak Ah SAC Ralkap 4 An Thi.Nihin February 25, ah Chinland Defence Force-Hakha nih Operation Rung min in Hakha khuapi ah kahdohnak an tuah i, Suimilam 3 chung Chin ralkap le SAC kar Kahdohnak a chuah hnu ah SAC lei in ralkap 4 an thi, tiah CDF-Hakha nih an thanh.
Hakha khuapi um mi nih thawng an kan thanh ning ah, Hakha khuapi hmun 3 ah kahdohnak a chuak. Rungtlang Sakhan pawng hrawng le Sii-inn pi ah kahdohnak a chuak i, palik sakhan lei zong ah meithal thawng an theih kong Hakha um mi nih The Chin Post ah an chim.
Nihin Rung Operation kahdohnak ah CDF-Hakha lei in thi le hliam an um lo i, SAC lei hi hmunril in 4 an thih pin ah minung 5 hrawng hliam an pu. Kahdohnak ah teinak kan hmuh nakhnga mizapi nih pehzulh in nan kan á¹anpi naklai upatnak he thawng kan in thanh hna, tiah CDF-Hakha War Office nih an thanh. The Chin Post