Central Lairam, Lawngtlai 2023 Chiapa 24: East Lairam khualipi Hakha dawrhlun khuasa Pu Hram Cung cu Central Lairam lei ah naa hruai in an kal lampi Saisihchuak Tipi ah a paam tiah kan theih.
Pangkhua ummi pakhat nih ” Chun suimilaam 12 hrawng ah a si, an naa vialte varal ah an chuak dih cang, anmah tu cu ti an tan lio ah ti nih a fanh pah hna, aa liau len nain varal a chuak kho lo ” tiah a chim.
Pu Hram Cung hi kum 50 hrawngmi a si. A hawile he khuathlang lei i naa dawi an kal lampi ah tu bantukin vanchiat an ton hi a si. Pu Hram Cung hi 2023 Chiapa 22 ah ti nih a fanh i Chiapa 24 zing ah Muallianpi khuataw ah a ruak an hmuh.
A ruak hi nihin ah Hakha lei ah an tlunpi tiah kan theih.Pu Hram Cung nih a nupi le a fale pathum nu pakhat le pa pahnih a kaltak hna. The Lairam Times