Footballer minthang Jeje le Singer Sailo cu party ah an lut, Jeje hi a ake aa khon caah cuhlan bantuk bawlung chuih khawh dawh asi ti rua lo, Sailo zong nupi aneih hnu ahcun cuhlan bantuk in alar ti lo kho.
Tutan ah party lei ah an mer veve hi kei ka hmuh ning ahcun mizoram siamremh duh tuk le mipi zawnruah tuk ruangah asi lai hi ka zum tuk lem lo. kan Lairam cheukhat zong khi teacher pension deng tar lei sangah MP cuh an hmang ve.
RELCHAP- NAN MAH HRUH TUK RUANG AH LAIMI KAN VAI DIH CANG LAI HIH
Mifim ti mi cu hmailei kong an chim mi le an cuanh ning hi a dik mi a tam deuh.Thil pakhat kan tuah tik ah zeidah a that nak chuak te lai i zei bantuk chiat nak dah a chuak ve lai ti hi an tuak tan khawh.
A tu lio kan Lairam ah hruaitu a si mi pawl hi an ruah ning in thil pakhat hmanh a chuak rih lo. SAC nih Ana an ting lio ah ni 90 chung sandah kan piah lai i kan tei lai an ti i an tei naisai lo.Cun cozah riantuan mi nih CDM an tuah dih lai i kan tei lai an ti hoi i an tei hlei lo.
CDM tuah hi kawlram chung ah Hakha le Thantlang hi a tuah cem mi an si i hmun dang ah a tuah mi an tlawm tuk. SAC hriamnam cawk an bomh bantuk a si diam .Cun a tu hriam nam in kan doh lai i kan tei deng cang an ti nak hi kum khat leng si cang.2023 ah kan tei lai an ti hoi.
Thla thum kan kal cang.kawlram chung myone 330 ah myone pakhat zong an la kho rih lo.myone 100tal hi la kho cang hna seh law, kan tei dengcang ti hi chim ngam ding si hnga. Myone pakhat hmanh lak khawh rih lo mi kan tei deng cang an ti mi hi lungfim set lo mi an lo cang.
Ram leng um mi Pastor te le tar molh pawl nih kan tei deng cang ti in thil thei dih bantuk in bia an chim ve hoi.Thil dik a chim mi poh Dalan thah ding ti in bia chim mi pawl hi nan mah hi Ram le miphun zawn ruat bak lo mi Ram hrawk tu bak nan si.
Ralhrang ban tuk in mipi zawn ruah nak pakhat hmanh nan nei kho loh.mipi zangfah nak zong nan nei kho loh.Laimi nih kan ngaihchiat tuk mi le kan harsat nak zong zei hmanh ah nan rel loh.Cu ca ah cun Kan doh mi Ralhrang he nan i dan nak a um bak lo.
Mifim cu a ruah mi le a chim bantuk in thil a chuak taktak.Nan chim ning in thil pakhat hmanh a tling bal lo.A si na in fim bik ah nan i ruat peng rih. ningzah zong thei pah ve uh. Mipi nih zei bantuk in dah an kan hmuh ti hi nan thei kho bak lo.
Ruah chan awk pakhat hmanh a um lo mi Rian hi tuah lengmang hlah uh.Lairam hi dam seh ti maw na duh deuh? Lairam hi hrawk dih sehlaw laimi phun hi Ttio dih u sih ti dah nan duh deuh? Fak pi in khua ruat uh.Nan mah ruang ah Laimi kan vai dih cang lai hih.David Kung