Kan Unau,Mizoram pinah an unau hna umnak kip ah min thang le mipi nih kan uar i kan upat ngaingai mi hna, Robarth Lalduhzuala, Sailo, Joshep hi an si.
Hi hna pa 3 hi ai lungrual ngaingai mi an si lio ah, Naite ah khan,Joshep nih a thih taak hna caah ,Sailo le Robarth cu ngeihchia ngaingai in an um lio a si.
Hi ti Sailo le Lalduhzuala ngeihchia le lileeng i an um lio ah, Robert Lalduhzuala cu a tu ah hin Aizawl, LRM HOSPITAL-ah a zun lam le a kal ah lung a um caah harsatnak tongin a um lio a si.
Hi kong he pehtlai in,Vanlal Sailo nih cun a hawipa cu a va zoh i, Mipi sinah Thlacamnak a cah.Thlacam a cah mi hi thei in bawm cio ko hna usih. TDT
PDF Phu Fonh Nih Ralhrang Sakhan Pakhat An Laak, Ralhrang Zeimaw Zah An Thah Hna
PDF Fonh Nih Palik Sakhan Pakhat An Laak, Ralhrang 10 Leng An Thi; PDF Nunnak Liammi Le Hliamtuar An Um Ve! Sagaing ramṭhen, Salingyi peng, Nyaung-pin-gyi khua palik sakhan cu PDF ṭangṭi phufonh nih nizan ah luhhnawh in kan kah i kan laak.
Cu kahdohnak ah SAC ralhrang lei 10 leng a thi pinah hriamthil zuun 7 zong kan lak chih, tiah Buffalo People Defense Force in ṭuanvo ngeitu pakhat nih a chim.
June 9, zanlei suimilam 5:45 tluk ah Monywa khuapi nitlak lei hmun um, Nyaungpingyi palik sakhan cu Buffalo People Defense Force le Sagaing hriamtlai ṭangṭi phufonh (ULF) nih luhhnawh in an kah hi a si.
SAC ralhrang 10 leng an thih pinah an sakhan zong an khanghpiak dih hna. G3 meithal zuun 4, MA zuun 1, seh meithal zuun 1, 79 zuun 1 le hriamthil tam ngai zong an laak chih khawh, tiah theih a si.
“An sakhan cu kan laak khawh in kan khangh dih. Mah lio ah SAC ralhrang nih jet vanlawng 2 in an kan kah, kan tlaihmi hna ralhrang 2 zong kan thah colh hna.
Pakhat nam in kan thah hnu ah pakhat cu khur chung aa thuhnak hmun ah kan kahthah, ralhrang nih an tlaihmi hna zong kan chanhchuah khawh hna i, Bo Naga hawi le zong an i tel caah an umnak hmun ah kan kuat hna” tiah a chunglei upa nih Khit Thit ah a chim.
SAC ralhrang nih cunglei kahdohnak a tuahmi ruang ah mipi ralkap pakhat a paw ah kuan nih a khen i a nunnak a liam. Sagaing hriamtlai ṭangṭi phufonh (ULF) in minung 4 nih hliamhma an tuar, tiah Buffalo People Defense Force nih thawngthanhnak an tuah ve. Lungmili Post